|
| | Avvuhind Võrolt peri noorõlõ piltnigule |
| | | | Avvuhinnapilt pääsläsest, Eesti rahvustsirgust. | | | |
Aokirä Eesti Loodus timahavvatsõl eläjäfotokonkursil sai edimädse avvuhinna Võrolt peri Zaceki Sveni (25) tsirgupilt'.
Kukki pilt' pääsläsest om tett timahavva keväjä Tartomaal, miildüs noorõlõmehele väega Võromaal pilte tetä. «Eriti Misso kandin, kon om veidemb inemiisi ja mõtsik luudus,» nimmas pilt'nik, kiä eläs parhilla Tarto lähkül Kõrvõkülän. Kodo Võrolõ vanõmbidõ mano käü tä pia egäl nädälivaihtusõl.
Zaceki Sven on pilte tennü kolm aastakka. Kõgõ inämb miildüs tälle talvõl pildimassinaga vällän kävvü, ku mõtsaeläjide tegemise häste lumõ pääl nätä omma. Ku õkva vällä ei saa minnä, kaes nuur' pilt'nik luudusõpilte ja märgotas, kohekanti tulõva kõrd minnä.
Avvuhindu sai tä ka seo keväjä Aasta Loodusfoto konkursil, niisamatõ 2003. aasta eläjäpilte võistlusõl. Võrol Kreutzwaldi kooli lõpõtanu Sven pidägi parhilla vabakutsõlisõ pilt'nigu ammõtit.
Allasõ Tiia | |
|
|
|