|
| | | | Dorothea (Vanaisaku Mari-Liis) Oldekopi embusen. | | | |
Riidi, 2. joulukuu pääväl mängse Põlva liina harrastustiatri vahtsõndõt tükkü Gustav Adolph Oldekopi armastusluust «Saatusliku kiindumuse lugu», tulõvadsõ naasõ rollin oll' edimäst kõrda nuur' Vanakülä tütrik Vanaisaku Mari-Liis (18).
Keriguoppaja, luulõtaja ja kirämiis' Oldekop (1755-1838) tüüt' Põlvan aastil 1781-1820. 1806. aastal and' tä üten Kanepi praosti Johann Philipp von Rothiga vällä edimädse eestikeelidse aolehe «Tarto maa rahwa Näddali-Leht». Taa edimäne maarahvalõ mõtõld aoleht' oll' muiduki lõunõeestikeeline.
Oldekopi Põlva-päivil juhtunust kirot' näütemängu ja säädse tuu lava pääle Villa Sirje. Näütemängun kõnõldas peris pall'o võro kiilt.
«Püüne pääl kõrtsin kõnõldas muiduki kõgõ kohalikku kiilt,» ütel' Vill. «Ku taa kiil' om maast madalast suuhtõ saad, sis kõnõldas ka lava pääl hää meelega. Sissetulnuil taad kõnõlda nal'alt ei õnnistu,» ütel' aastit Põlvan tiatrit tennü naanõ. Ka mitmõn Villa säet näütemängun Hurda Jakobist omma paiklikku rahvast mängnü näütlejä kõgõ umma kiilt kõnõlnu.
«Saatusliku kiindumuse lugu» oll' edimäst kõrda Põlvan püüne pääl 2000. aastagal.
Allasõ Tiia | |
|
|
|