Nummõr' 89
Märdikuu 8. päiv
  • TOIMÕNDUS
  • OTSI
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
    Uudissõ
     
  • Latsilõ võistlus ja aokiri
  •  
  • Päti vei Leevilt 92 600 kruuni väärt katla-auto
  •  
  • Ilma luumine ja muu äri – Võro Tiatriateljee vahtsõnõ tükk
  •  
  • Tegemiisi Võromaal
  • Elo
     
  • «Uazikuga» Mongoolian*
  • Märgotus
     
  • Sant'mistki piät oppama
  •  
  • Saksingu Liina: ma olõ uhkõ, et olõ maalt!
  • Innembi
    Kagahii
    Kirä
    Perämäne külg
     
     
     
    Päti vei Leevilt 92 600 kruuni väärt katla-auto
     
     
    1. märdikuu üüse läts' Veriora vallan Leevi külän oppajidõ maja iist kaoma veomassin GAZ 53, mink pääl oll' kats' maja kütmises mõtõld katõld. Kah'o om 92 600 kruuni.

    «Toda asja ei nuhata pini kah!» om murrõn Veriora vallavanõmb Liini Enel. «Jahimehe ja tõsõ otsõ jälgi, a es lövvä midägi. Kuis sai suur' auto nii är kaoda, et kiäki es näe!?»

    Vallavanõmba sõnno perrä tõi katla paiga pääle Leevi hooldõkodo juht' Peetsi Rein. A et katõldõ ostmisõ kotsilõ olõ-õs korteriütistü ja vallaga viil ammõtlikkõ paprit tettü, või pelädä, et tä piät kah'o umast karmanist kinni masma. «Tä esi om väega õnnõdu,» ütles Liini Enel.

    Leevi oppajide maja jäi kütteldä sis, ku internaatkooliga ütine küte takast är võeti. Parhilla om majja jäänü elämä kats'-kolm peret. Vallavanõmba teedä om üts' pere ostnu hindäle kütmises «bullerjani», a või arvada, et tõsõ perre kolisõ är.

    Liini Enel ütles, et egäl juhul piät tuu maja küttekatla saama. «Vald piät uma nõna vahelõ pandma, neo omma jo mi inemise,» ütles tä ja lupa seo nätäl' majarahvaga asja arota. «Ku maja lämmäs saa, sis vas't tulõva elänigu tagasi kah.»

    Nii suur' vargus olõ-i mikandin harilik asi – ku mõtsavargusõ vällä jättä, sis Põlva maakunnan oll' viimäne suur'vargus suvõ lõpun, ku päti vei Põlva vallast ütest majapidämisest inämb ku 100 000 krooni iist asjo, Võro maakunna timahavanõ ainukõnõ sääne vargus oll' maikuun, ku varga võti ütest Väimälä firmast üten 135 000 krooni iist kraami.

    Harju Ülle
     
     
    Mis sa arvat?
     
     
     
    Ilm
    Uma Internetin
     
     
     
     Uma Lehe sõbõr!